O albergue-pensión Lalín Centro está situado en pleno centro de Lalín, moi próximo ao Punto de Información ao Peregrino da Asociación Peregrinus Dezae, onde é posible selar a credencial do Camiño de Santiago. Inaugurado en 2017, o albergue ocupa a segunda planta dun edificio moderno e céntrico e permanece aberto unicamente de abril a outubro. Para aloxarse é imprescindible presentar a credencial do peregrino.
O establecemento dispón de 16 prazas distribuídas en tres habitacións: unha dobre, outra de seis camas e unha terceira de oito, todas elas con liteiras, enchufes próximos a cada cama e taquillas individuais con clave de acceso. As habitacións están equipadas con escritorio, roupa de cama, neveira, teteira ou cafeteira e balcón con vistas á localidade, contando algunhas ademais con patio exterior. O albergue é un espazo libre de fume e ofrece aos hóspedes unha sala común, mostrador de información turística e servizo de bar.
